മട്ടാഞ്ചേരി: മുന്ന് വര്‍ഷം മുന്‍പ് പരാതി നല്‍കിയ സംഭവത്തില്‍ യുവാവിനെ മയക്ക് മരുന്ന് സംഘം മര്‍ദിച്ചതായി പരാതി. തോപ്പുംപടി ഫിഷറിസ് ഹാര്‍ബറിലെ തൊഴിലാളിയും ബസാര്‍ റോഡ് പാണ്ടികശാല പറമ്പില്‍ ഫൈസല്‍ (40) നാണ് മര്‍ദനമേറ്റത്.
ബുധനാഴ്ച രാത്രി 8.30 ന് തോപ്പുംപടി ഹാര്‍ബറിലായിരിന്നു സംഭവം. ബോട്ടില്‍ നിന്നും ഉപകരണങ്ങള്‍ മോഷണം പോകുന്നതും പിടിച്ച് പറിയും രൂക്ഷമായതിനെ തുടര്‍ന്ന് ഫൈസല്‍ മുന്ന് വര്‍ഷം മുന്‍പ് തോപ്പുംപടി പൊലിസില്‍ പരാതി നല്‍കിയിരിന്നു.
മോഷണം നടത്തുന്നവരെ കുറിച്ച് പരാതിയില്‍ വ്യക്തമായി സുചിപ്പിച്ചിട്ടും പൊലിസ് നടപടിയെടുത്തിരുന്നില്ല. എന്നാല്‍ വര്‍ഷങ്ങള്‍ക്ക് ശേഷം വീണ്ടും പരാതി നല്‍കാന്‍ ശ്രമിക്കുന്നതിനിടെയാണ് രണ്ട് അംഗ സംഘം മര്‍ദിച്ചത്. പരുക്ക് ഗുരുതരമായതിനെ തുടര്‍ന്ന് യുവാവിനെ ആശുപത്രിയില്‍ പ്രവേശിപ്പിച്ചു.