തൊടുപുഴ:  മലമുകളില്‍ കൃഷിയിറക്കി പൊന്ന് വിളയിച്ച  കരിങ്കുന്നം വടക്കേക്കര വി.കെ ചാണ്ടിക്ക് സംസ്ഥാനത്തെ മികച്ച ക്ഷോണി പരിപാലക കര്‍ഷകനുള്ള അവാര്‍ഡ്. പുറപ്പുഴ പഞ്ചായത്തിലെ മലമ്പ്രദേശമായ കൊടികുത്തിയില്‍ മൂന്നേക്കര്‍ സ്ഥലത്താണ് ചാണ്ടി മണ്ണ് സംരക്ഷണത്തിന്റെ മാതൃക തീര്‍ത്തിരിക്കുന്നത്. ചെരിഞ്ഞ ഭൂപ്രദേശം കല്ല് കയ്യാല കെട്ടി തട്ടുകളാക്കി. 200ഓളം കയ്യാലകളാണ് ഇത്തരത്തില്‍ നിര്‍മിച്ചത്. ജലദൗര്‍ലഭ്യം നേരിടുന്ന പ്രദേശത്ത് ജലം പാഴാകുന്നത് തടയാന്‍ സ്ഥലത്ത് ആയിരത്തോളം മഴക്കുഴികളും തീര്‍ത്തു. ഇപ്പോള്‍ ചാണ്ടിയുടെ പുരയിടത്തില്‍ നിന്ന് ഒരു തുള്ളി വെള്ളം പോലും പുറത്തേക്കൊഴുകുകയില്ല. കരിങ്കുന്നം, പുറപ്പുഴ കൃഷിഭവനുകളുടെ നേതൃത്വത്തില്‍ നടപ്പാക്കിയ വാട്ടര്‍ ഷെഡ് പദ്ധതിയുടെ പുറപ്പുഴ പഞ്ചായത്തിലെ മിത്ര കിസാനായിരുന്നു ചാണ്ടി.  ജെസിയാണ് ഭാര്യ. എകമകള്‍ ജിന്റോമോള്‍ കുടുംബസമേതം ആസ്‌ത്രേലിയയിലാണ് താമസം.