ചെര്‍പ്പുളശ്ശേരി: എസ്.കെ.എസ്.എസ്.എഫ് സംസ്ഥാന കമ്മിറ്റി ജില്ലാ കേന്ദ്രങ്ങളില്‍ ആഹ്വാനം ചെയ്ത മത സ്വാതന്ത്ര്യ സംരക്ഷണ റാലി വിജയിപ്പിക്കുമെന്നു പാലക്കാട് ജില്ലാ ത്വലബ വിങ്. മത സ്വാതന്ത്ര്യത്തിനെതിരേയുള്ള ഭരണകൂട പങ്കാളിത്തം ഒരു കാരണവശാലും അംഗീകരിക്കാവുന്നതല്ലെന്നു ചെര്‍പ്പുളശ്ശേരി കാര്യാലയത്തില്‍ ചേര്‍ന്ന ജില്ലാ പ്രതിനിധി സംഗമം അഭിപ്രായപ്പെട്ടു. യോഗത്തില്‍ ജില്ലാ ചെയര്‍മാന്‍ റഷീദ് കമാലി മോളൂര്‍ അധ്യക്ഷനായി. ത്വയ്യിബ് മുസ്‌ലിയാര്‍ ആലൂര്‍ ഉദ്ഘാടനം ചെയ്തു. സയ്യിദ് ഫസല്‍ തങ്ങള്‍ കൊപ്പം, സൈതലവി മുസ്‌ലിയാര്‍ പാവുക്കോണം, ഫൈസല്‍ വള്ളുവമ്പ്രം, റഹീം മണ്ണാര്‍ക്കാട് പങ്കെടുത്തു. ജില്ലാ കണ്‍വീനര്‍ ഹക്കീം തോട്ടര സ്വാഗതവും മന്‍സൂര്‍ പാതാക്കര നന്ദിയും പറഞ്ഞു.