പാലക്കാട്: ഓണം-ബക്രീദിനോടനുബന്ധിച്ച് വിപണിയിലെ ചൂഷണം തടയാന്‍ ലീഗല്‍ മെട്രോളജി അസി.കണ്‍ട്രോളറുടെ നേതൃത്വത്തില്‍ സഞ്ചരിക്കുന്ന ഹെല്‍പ് ഡെസ്‌ക് രൂപീകരിച്ചു. തൂക്കത്തില്‍ കുറവ്, അമിതവില, പി.സി. റൂള്‍സ് തുടങ്ങിയവയുമായി ബന്ധപ്പെട്ട പരാതികള്‍ ഓഗസ്റ്റ് 29 മുതല്‍ സെപ്റ്റംബര്‍ മൂന്ന് വരെ ഉപഭോക്താക്കളില്‍ നിന്നും നേരിട്ട് സ്വീകരിക്കും. 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമും ഈ കാലയളവില്‍ അസി.കണ്‍ട്രോളര്‍ ഓഫിസില്‍ പ്രവര്‍ത്തിക്കും. 0491 2505268 നമ്പറില്‍ പരാതികള്‍ നല്‍കാം.