വടക്കാഞ്ചേരി : പുന്നംപറമ്പ് മച്ചാട് സ്വതന്ത്ര ഗുഡ്‌സ് വെഹിക്കിള്‍ ഡ്രൈവേഴ്‌സ് യൂണിയന്റെ നേതൃത്വത്തില്‍ മേഖലയിലെ നിര്‍ധന കുടുംബങ്ങള്‍ക്കുള്ള ഓണ കിറ്റ് വിതരണം ഇന്ന് നടക്കും. സംഘടനയുടെ ഓണച്ചന്തയ്ക്കും തുടക്കമാകും.
വൈകീട്ട് അഞ്ചിന് പുന്നംപറമ്പ് അമ്പലപ്പാട് സര്‍വ്വീസ് സഹകരണ ബാങ്കിന് മുന്‍വശത്ത് വച്ചാണ് പരിപാടി. ഉത്രാടം വരെയാണ് ചന്ത പ്രവര്‍ത്തിയ്ക്കുക. ചന്തയുടെ ഉദ്ഘാടനം പഞ്ചായത്ത് പ്രസിഡണ്ട് എം.കെ ശ്രീജയും ഓണക്കിറ്റ് വിതരണം വടക്കാഞ്ചേരി എസ്.ഐ കെ.സി രതീഷും നിര്‍വ്വഹിയ്ക്കുമെന്ന് യൂണിയന്‍ ഭാരവാഹികള്‍ അറിയിച്ചു. നാട്ടില്‍ നിരവധി ജീവകാരുണ്യ പ്രവര്‍ത്തനങ്ങളും ഇവര്‍ നടത്താറുണ്ട്.