കുന്നംകുളം: കുന്നംകുളത്ത് വിദ്യാര്‍ഥികളും സ്വകാര്യ ബസ് ജീവനക്കാരും തമ്മില്‍ സംഘര്‍ഷം. ബസ്സ് ജീവനക്കാരുടെ മര്‍ദ്ദനത്തില്‍ വിദ്യാര്‍ഥികള്‍ക്ക് പരുക്ക്. ഇവരെ താലൂക്ക് ആശുപത്രിയില്‍ പ്രവേശിപിച്ചു. കിഴൂര്‍ പോളി ടെക്‌നിക്ക് കോളജ് വിദ്യാര്‍ഥികളായ ജിതിന്‍ (19), ആദര്‍ശ് (17) എന്നിവര്‍ക്കാണ് പരുക്കേറ്റത്. വ്യാഴാഴ്ച്ച രാവിലെ 10 ഓടെയായിരുന്നു സംഭവം. തൃശൂരില്‍ നിന്നു തലശ്ശേരിയിലേക്ക് പോകുന്ന ബസ്സില്‍ തൃശൂരില്‍നിന്നും വിദ്യാര്‍ഥികളെ കയറ്റിയില്ല. ഇത് ചോദ്യം ചെയ്യാന്‍ ഒരു സംഘം വിദ്യാര്‍ഥികള്‍ കുന്നംകുളം പട്ടാമ്പി റോഡില് ബസ് തടഞ്ഞു. തുടര്‍ന്ന് ജീവനക്കാരും വിദ്യാര്‍ഥികളും തമ്മില്‍ വാക്കേറ്റമുണ്ടായി. ഇതിനിടിയില്‍ ബസ്സ് ഡ്രൈവര്‍ വിദ്യാര്‍ഥികളെ ചവിട്ടുകയായിരുന്നുവെന്നാണ് പറയുന്നത്. മറ്റൊരു വിദ്യാര്‍ഥിയുടെ കൈ പിടിച്ച് ഡോറില്‍ അടിച്ചതായും പറയുന്നു. തുടര്‍ന്ന് ഇവര്‍ കുന്നംകുളം താലൂക്ക് ആശുപത്രിയില്‍ ചികിത്സ തേടുകയായിരുന്നു.