എരുമപ്പെട്ടി: ആദൂര്‍ എല്‍.പി.സ്‌കൂളിന് സമീപം അറവ് മാലിന്യങ്ങള്‍ തള്ളിയത് വിദ്യാര്‍ത്ഥികള്‍ക്കും അധ്യാപകര്‍ക്കും ബുദ്ധിമുട്ട് സൃഷ്ടിക്കുന്നു. സ്‌കൂളിന് മുന്നിലുള്ള റോഡിലാണ് അറവ്ശാലകളില്‍ നിന്നും കോഴിക്കടകളില്‍ നിന്നുള്ള മാംസാവശിഷ്ടങ്ങള്‍ ചാക്കുകളിലാക്കി തള്ളിയിട്ടുള്ളത്. മാലിന്യങ്ങള്‍ ചീഞ്ഞളിഞ്ഞ് രൂക്ഷമായ ദുര്‍ഗന്ധമാണ് പരിസരങ്ങളില്‍ അനുഭവപ്പെടുന്നത്. കുട്ടികള്‍ക്ക് ചര്‍ദ്ധിയുണ്ടാക്കുകയും ഭക്ഷണം കഴിക്കാന്‍ പറ്റാത്ത അവസ്ഥ സൃഷ്ടിച്ചിരിക്കുകയുമാണ്. കുറച്ച് മാലിന്യങ്ങള്‍ നാട്ടുകാര്‍ കോരി മാറ്റിയെങ്കിലും സ്‌കൂളിന് സമീപത്തായി മാംസാവശിഷ്ടങ്ങള്‍ ഇപ്പോഴും ചിതറിക്കിടക്കുന്നുണ്ട്.