കൊടുങ്ങല്ലൂര്‍: മുറ്റം നിറയെ ഓണപ്പൂവും മുറം നിറയെ പച്ചക്കറിയും വിളയിച്ച് വിദ്യാര്‍ഥികള്‍. കോതപറമ്പ് ആല വാസുദേവ വിലാസം യു.പി സ്‌ക്കൂളിലെ കുട്ടികളാണ് ഓണാഘോഷത്തിന്റെ ഭാഗമായി പൂവും പച്ചക്കറിയും വിളവെടുത്തത്. വിളവെടുപ്പിന്റെ ഭാഗമായി നാടന്‍ പൂക്കളുടെ പ്രദര്‍ശനവും നടന്നു.

വാര്‍ഡ് മെംബര്‍ ഷിംജി അജിതന്‍ പൂ കൃഷി വിളവെടുപ്പും കൃഷി ഓഫീസര്‍ എന്‍.കെ തങ്കരാജ് പച്ചക്കറി വിളവെടുപ്പും ഉദ്ഘാടനം ചെയ്തു. നജ്മുന്നീസ നൗഷാദ്, സനല്‍കുമാര്‍, ജിനു ജനാര്‍ദ്ദനന്‍ സഫറലി, ഡി.സന്ധ്യ, ജ്യോതി ,താഹിറ, രാജി , ഷാജി നേതൃത്വം നല്‍കി.