തിരുവനന്തപുരം: ജില്ലാ ലീഗല്‍ സര്‍വിസ് അതോറിറ്റി പാനല്‍ അഭിഭാഷകര്‍ക്കായി പരിശീലന പരിപാടി സംഘടിപ്പിച്ചു. ജില്ലാ ജഡ്ജി കെ. ഹരിപാല്‍ ഉദ്ഘാടനം ചെയ്തു. സാധാരണക്കാരന് കോടതികളില്‍ നിന്ന് നീതി ലഭിക്കുന്നതിന് ലീഗല്‍ സര്‍വിസ് അതോറിറ്റി പാനല്‍ അഭിഭാഷകരുടെ ഇടപെടല്‍ നിര്‍ണായകമാണെന്ന് അദ്ദേഹം പറഞ്ഞു. ഒരു കേസ് പൊലിസ് രജിസ്റ്റര്‍ ചെയ്യുന്നതോടെ ആരംഭിക്കുന്ന നിയമ പരിരക്ഷ സാധാരണക്കാരന് ഉത്തമവിധി നേടി കൊടുത്തതിനുശേഷമേ പിന്‍മാറാവൂവെന്നും ജില്ലാ ജഡ്ജി അഭിപ്രായപ്പെട്ടു.
ചടങ്ങില്‍ ജില്ലാ ബാര്‍ അസോസിയേഷന്‍ പ്രസിഡന്റ് ആനയറ ഷാജി അധ്യക്ഷനായി. ജില്ലാ ലീഗല്‍ സര്‍വിസ് അതോറിറ്റി സെക്രട്ടറി സിജു ഷെയ്ക്ക്, റിട്ടയേഡ് ജില്ലാ ജഡ്ജി പ്രേമചന്ദ്രന്‍, ചീഫ് ജുഡീഷ്യല്‍ മജിസ്‌ട്രേറ്റ് കെ. പ്രഭാകരന്‍, സെക്ഷന്‍ ഓഫിസര്‍ എന്‍. സന്തോഷ് എന്നിവര്‍ പങ്കെടുത്തു.