ആറ്റിങ്ങല്‍: മേല്‍ കടയ്ക്കാവൂര്‍ ക്ഷീര വ്യവസായ സഹകരണ സംഘത്തിന്റെ (മില്‍ക്കോ) ആഭിമുഖ്യത്തില്‍ ക്ഷീരകര്‍ഷക സംഗമവും ഉല്‍പ്പന്ന വൈവിധ്യവല്‍ക്കരണ യൂണിറ്റിന്റെ ഉദ്ഘാടനവും ഇന്നു നടക്കും. ഡെപ്യൂട്ടി സ്പീക്കര്‍ വി.ശശിയുടെ അധ്യക്ഷതയില്‍ കൂടുന്ന യോഗത്തില്‍ മന്ത്രി കെ.രാജു ഉല്‍പ്പന്ന വൈവിധ്യവല്‍ക്കരണ യൂണിറ്റിന്റെ ഉദ്ഘാടനം നിര്‍വഹിക്കും. ഇതിനോടനുബന്ധിച്ച് ക്ഷീര വര്‍ദ്ധിനി പദ്ധതിയുടെ ഉദ്ഘാടനം ചിറയിന്‍കീഴ് ബ്ലോക് പഞ്ചായത്ത് പ്രസിഡന്റ് ആര്‍.സുഭാഷ് നിര്‍വഹിക്കും.
ക്ഷീര വികസന വകുപ്പ് ഡയറക്ടര്‍ എബ്രഹാം റ്റി.തോമസ്, സിന്‍ഡിക്കേറ്റ് ഡെപ്യൂട്ടി ജന. മാനേജര്‍ പി.കറുപ്പയ്യ ,ചിറയിന്‍കീഴ് മപഞ്ചായത്ത് പ്രസിഡന്റ് ഡീന, കടയ്ക്കാവൂര്‍ ഗ്രാമപഞ്ചായത്ത് പ്രസിഡന്റ് വിലാസിനി, വക്കം ഗ്രാമപ്പഞ്ചായത്ത് പ്രസിഡന്റ് വേണുജി തുടങ്ങിയവര്‍ സംസാരിക്കും. സമാപന സമ്മേളനം അഡ്വ.ബി.സത്യന്‍ ഉദ്ഘാടനം ചെയ്യും. ആറ്റിങ്ങല്‍ നഗരസഭാ ചെയര്‍മാന്‍ എം.പ്രദീപ് മുഖ്യ പ്രഭാഷണം നടത്തും.