തിരുവനന്തപുരം: സംസ്ഥാന ചലച്ചിത്ര അക്കാദമിയും കന്നട ചലച്ചിത്ര അക്കാദമിയും സംയുക്തമായി സംഘടിപ്പിക്കുന്ന കന്നട ചലച്ചിത്രമേളക്ക്് നാളെ തുടക്കമാകും. നാളെ വൈകിട്ട് ആറ് മണിക്ക് ദേവിപ്രിയ തിയേറ്ററില്‍ ചലച്ചിത്ര വികസന കോര്‍പറേഷന്‍ ചെയര്‍മാന്‍ ലെനിന്‍ രാജേന്ദ്രന്‍ ഉദ്ഘാടനം നിര്‍വഹിക്കും.
സംസ്ഥാന ചലച്ചിത്ര അക്കാദമി വൈസ് ചെയര്‍പേഴ്‌സണ്‍ ബീനാ പോള്‍ അധ്യക്ഷയാകുന്ന ചടങ്ങില്‍ കര്‍ണാടക ചലനചിത്ര അക്കാദമി ചെയര്‍മാന്‍ എസ്.വി. രാജേന്ദ്രസിങ് ബാബു മുഖ്യാതിഥിയായിരിക്കും. രാം റെഡ്ഢി സംവിധാനം ചെയ്ത തിഥി യാണ് ഉദ്ഘാടന ചിത്രം. പ്രദര്‍ശനം നാളെ രാവിലെ 11 മുതല്‍.