കൊച്ചി: നടിയെ ആക്രമിച്ച കേസില്‍ ദിലീപ് നല്‍കിയ ജാമ്യാപേക്ഷയില്‍ ഹൈക്കോടതി ചൊവ്വാഴ്ച വിധി പറഞ്ഞേക്കും.
കെട്ടിച്ചമച്ച സാക്ഷിമൊഴികളുടെയും സാഹചര്യത്തെളിവുകളുടെയും അടിസ്ഥാനത്തില്‍ ദിലീപിനെ കേസില്‍ കുടുക്കുകയായിരുന്നുവെന്നാണ് ജാമ്യഹരജിയിലെ പ്രധാന വാദം. ശ്രീകുമാര്‍ മേനോനെക്കുറിച്ച് ചോദിച്ചറിയാനെന്നു പറഞ്ഞാണ് ദിലീപിനെ പൊലിസ് വിളിച്ചുവരുത്തിയത്.
പിന്നീട് അറസ്റ്റ് ചെയ്യുകയായിരുന്നു. എന്തിനാണ് അറസ്റ്റെന്ന് ഇപ്പോഴും വ്യക്തമല്ല. പൊതുജന വികാരം ദിലീപിനെതിരാക്കാന്‍ പൊലിസ് ബോധപൂര്‍വം സിനിമയെ വെല്ലുന്ന തിരക്കഥയുണ്ടാക്കി പ്രചരിപ്പിച്ചു. ഒരു ക്രിമിനലിന്റെ കുമ്പസാരം കണക്കിലെടുത്ത് പൊലിസ് നടപടി സ്വീകരിക്കുകയായിരുന്നുവെന്നും ഹരജിയിലുണ്ട്. ദിലീപിനെപോലെ സ്വാധീന ശക്തിയുള്ള വ്യക്തിക്ക് ജാമ്യം നല്‍കുന്നത് കേസിലെ തുടരന്വേഷണത്തെ ദോഷകരമായി ബാധിക്കുമെന്നു പ്രോസിക്യൂഷന്‍ വ്യക്തമാക്കിയിരുന്നു. ദിലീപ് നല്‍കിയ ജാമ്യാപേക്ഷ നേരത്തേ ഹൈക്കോടതി തള്ളിയിരുന്നു.