കോഴിക്കോട്: സുബ്രതോ കപ്പ് അണ്ടര്‍ 14 ഫുട്‌ബോള്‍ ടൂര്‍ണമെന്റില്‍ നിന്ന് മലപ്പുറം എം.എസ്.പി പുറത്തായി. ഗ്രൂപ്പ് ഡി പോരാട്ടത്തില്‍ നാഗാലാന്‍ഡിനോട് പരാജയപ്പെട്ടാണ് കേരളത്തിന്റെ പ്രതീക്ഷയായിരുന്ന ടീം പുറത്തേക്കുള്ള വഴി കണ്ടത്. മറുപടിയില്ലാത്ത നാല് ഗോളുകള്‍ക്കാണ് എം.എസ്.പിയുടെ പരാജയം.
ഗ്രൂപ്പിലെ ആദ്യ രണ്ട് മത്സരങ്ങളിലും ഏകപക്ഷീയ വിജയം സ്വന്തമാക്കാന്‍ എം.എസ്.പിക്ക് സാധിച്ചിരുന്നു. ആദ്യ പോരാട്ടത്തില്‍ എയര്‍ഫോഴ്‌സ് സ്‌കൂളിനെ 4-1ന് തോല്‍പ്പിച്ച് തുടങ്ങിയ ടീം രണ്ടാം മത്സരത്തില്‍ സി.ബി.എസ്.ഇയെ ഗോളില്‍ മുക്കി ഉജ്ജ്വല വിജയം സ്വന്തമാക്കി. മറുപടിയില്ലാത്ത 24 ഗോളുകള്‍ക്കാണ് രണ്ടാം മത്സരത്തില്‍ എം.എസ്.പി വിജയിച്ചത്.
സുബ്രതോ കപ്പ് അണ്ടര്‍ 17 അണ്‍കുട്ടികളുടേയും പെണ്‍കുട്ടികളുടേയും പോരാട്ടങ്ങള്‍ അടുത്ത ആഴ്ച തുടങ്ങും.