ദി ഹാഗ്യു: വെറ്ററന്‍ സ്‌ട്രൈക്കര്‍ റോബിന്‍ വാന്‍ പേഴ്‌സി വീണ്ടും ഹോളണ്ട് ടീമില്‍. നിര്‍ണായക ലോകകപ്പ് യോഗ്യതാ പോരാട്ടങ്ങള്‍ക്കുള്ള ഡച്ച് ടീമിലേക്കാണ് കോച്ച് ഡിക്ക് അഡ്വക്കാറ്റ് വാന്‍ പേഴ്‌സിയേയും ഉള്‍പ്പെടുത്തിയത്. ലോകകപ്പ് യോഗ്യത പരുങ്ങലിലായ ഹോളണ്ട് ടീമിന് ഫ്രാന്‍സ്, ബള്‍ഗേറിയ ടീമുകള്‍ക്കെതിരേയാണ് അടുത്ത യോഗ്യതാ മത്സരങ്ങള്‍.
നിലവില്‍ ഫെനര്‍ബാഷെ താരമായ 34കാരനായ വാന്‍ പേഴ്‌സി 101 മത്സരങ്ങളില്‍ ദേശീയ ടീമിനായി കളത്തിലിറങ്ങിയിട്ടുണ്ട്. രണ്ട് വര്‍ഷത്തെ ഇടവേളയ്ക്ക് ശേഷമാണ് ഹോളണ്ടിന്റെ എക്കാലത്തേയും മികച്ച ഗോള്‍ സ്‌കോററായ താരം തിരികെ ടീമിലെത്തുന്നത്. ഹോളണ്ടിനായി 50 ഗോളുകള്‍ നേടിയ താരമാണ് വാന്‍ പേഴ്‌സി.
വെറ്ററന്‍ താരമടക്കം ആറ് സ്‌ട്രൈക്കര്‍മാരാണ് ലോകകപ്പ് പോരാട്ടങ്ങള്‍ക്കുള്ള ടീമിലുള്ളത്. മെംഫിസ് ഡിപെ, വിന്‍സന്റ് ജന്‍സന്‍ എന്നിവരും ടീമിലുണ്ട്. യോഗ്യതാ പോരാട്ടത്തിന്റെ ഗ്രൂപ്പ് എയില്‍ ആറ് കളികളില്‍ നിന്ന് മൂന്ന് പോയിന്റ് മാത്രമുള്ള ഹോളണ്ട് മൂന്നാം സ്ഥാനത്താണ്.