ലീഡ്‌സ്: വെസ്റ്റിന്‍ഡീസിനെതിരായ രണ്ടാം ക്രിക്കറ്റ് ടെസ്റ്റില്‍ ഇംഗ്ലണ്ടിന് തകര്‍ച്ച. ആദ്യം ബാറ്റ് ചെയ്ത ഇംഗ്ലണ്ട് ഒന്നാം ഇന്നിങ്‌സില്‍ 258 റണ്‍സിന് പുറത്തായി. ഒന്നാം ഇന്നിങ്‌സ് തുടങ്ങിയ വെസ്റ്റിന്‍ഡീസ് ഒടുവില്‍ വിവരം കിട്ടുമ്പോള്‍ ഒരു വിക്കറ്റ് നഷ്ടത്തില്‍ 11 റണ്‍സെന്ന നിലയില്‍.
ബെന്‍ സ്റ്റോക്‌സ് നേടിയ സെഞ്ച്വറിയും (100) നായകന്‍ ജോ റൂട്ട് നേടിയ അര്‍ധ സെഞ്ച്വറിയു (59)മാണ് ഇംഗ്ലണ്ട് സ്‌കോര്‍ 200 കടത്തിയത്. മറ്റൊരാള്‍ക്കും കാര്യമായൊന്നും ചെയ്യാന്‍ സാധിച്ചില്ല. നാല് വീതം വിക്കറ്റുകള്‍ വീഴ്ത്തിയ കെമര്‍ റോച്, ഷാനോന്‍ ഗബ്രിയേല്‍ എന്നിവരുടെ മാരക ബൗളിങാണ് ഇംഗ്ലീഷ് നിരയെ തകര്‍ത്തത്.
തുടര്‍ച്ചയായി 12 അര്‍ധ സെഞ്ച്വറികള്‍ നേടി ഇംഗ്ലീഷ് നായകന്‍ ജോ റൂട്ട് ദക്ഷിണാഫ്രിക്കന്‍ താരം ഡിവില്ല്യേഴ്‌സിന്റെ റെക്കോര്‍ഡിനൊപ്പമെത്തി.