കൊച്ചി: പറവൂരില്‍ ഇസ്്‌ലാമിക പ്രവര്‍ത്തകര്‍ക്കു നേരെ നടന്ന അക്രമത്തില്‍ പ്രതിഷേധിച്ച് മുസ്്‌ലിം മഹല്ല് ഏകോപന സമിതി പറവൂര്‍വൈപ്പിന്‍ മേഖല കമ്മിറ്റിയുടെ ആഭിമുഖ്യത്തില്‍ പറവൂരില്‍ ഇന്നു വൈകിട്ട് 4.30ന് പ്രതിഷേധ റാലിയും പൊതുസമ്മേളനവും സംഘടിപ്പിക്കും.
വെടിമറ ജങ്ഷനില്‍ നിന്നാരംഭിക്കുന്ന പ്രതിഷേധ റാലി പൊതുസമ്മേളനം നടക്കുന്ന പറവൂര്‍ മുനിസിപ്പല്‍ ഗ്രൗണ്ടില്‍ സമാപിക്കും. മുസ്്‌ലിം മഹല്ല് ഏകോപന സമിതി ചെയര്‍മാന്‍ മാഞ്ഞാലി സുലൈമാന്‍ മൗലവി അധ്യക്ഷത വഹിക്കുന്ന സമ്മേളനം മനുഷ്യാവകാശ പ്രവര്‍ത്തകന്‍ ഗ്രോ വാസു ഉദ്ഘാടനം ചെയ്യും സോളിഡാരിറ്റി സംസ്ഥാന സെക്രട്ടറി എസ്.എം. സൈനുദ്ദീന്‍, ഓള്‍ ഇന്ത്യ ഇമാംസ് കൗണ്‍സില്‍ സംസ്ഥാന സെക്രട്ടറി അഫ്്‌സല്‍ ഖാസിമി തുടങ്ങിയവര്‍ മുഖ്യപ്രഭാഷണം നിര്‍വഹിക്കും. വാര്‍ത്താസമ്മേളനത്തില്‍ ഭാരവാഹികളായ അബ്ദുല്‍ നാസര്‍ ബാഖവി, ഡോ. സവാദ്,കെ.എ അസ്‌കര്‍ എന്നിവര്‍ പങ്കെടുത്തു.