കോഴിക്കോട്: കോഴിക്കോട് കടലുണ്ടിക്ക് സമീപം സ്വകാര്യ ബസ്സുകള്‍ കൂട്ടിയിടിച്ച് നിരവധി പേര്‍ക്ക് പരുക്ക്. ചാലിയം -മെഡിക്കല്‍ കോളേജ് റൂട്ടിലോടുന്ന ബസ്സും പരപ്പനങ്ങാടി- കോഴിക്കോട് റൂട്ടിലോടുന്ന ബസ്സുമാണ് കൂട്ടിയിടിച്ചത്.

ഇന്നു രാവിലെ പത്തു മണിയോടെ മണ്ണൂര്‍ പ്രബോധിനിയില്‍ വച്ചാണ് അപകടം. പരുക്കേറ്റവരെ സമീപത്തെ സ്വകാര്യ ആശുപത്രിയിലും കോഴിക്കോട് മെഡിക്കല്‍ കോളേജിലും പ്രവേശിപ്പിച്ചു. അപകടത്തെത്തുടര്‍ന്ന് പ്രദേശത്ത് അല്‍പനേരം ഗതാഗതം തടസ്സപ്പെട്ടു. കൂടുതല്‍ വിവരങ്ങള്‍ ലഭ്യമായിട്ടില്ല.