കൊല്ലം: വ്യാപാരികള്‍ക്ക് സൗജന്യമായി സര്‍ക്കാര്‍ തരാമെന്നുപറഞ്ഞ ജി.എസ്.ടി സോഫ്റ്റ്‌വെയര്‍ സര്‍ക്കാരിന് പോലും തയ്യാറാക്കാന്‍ പറ്റാത്ത സാഹചര്യത്തില്‍ വ്യാപാരികള്‍ക്ക് ആറ് മാസം വരെ വരുന്ന തെറ്റുകള്‍ക്ക് ഒരു നടപടിയും എടുക്കില്ല എന്ന് കേരള വ്യാപാരി വ്യവസായി ഏകോപനസമിതി പ്രതിനിധികളെ ആലപ്പുഴയില്‍ വിളിച്ച് ചേര്‍ത്ത ചര്‍ച്ചയില്‍ മന്ത്രി തോമസ് ഐസക് തന്ന വാഗ്ദാനം പാലിക്കണമെന്ന് സംസ്ഥാന സെക്രട്ടറി നിജാം ബഷി ആവശ്യപ്പെട്ടു. 

എന്നാല്‍ വാഗ്ദത്വ ലംഘനം നടത്തി ഇന്നു മുതല്‍ നികുതി തുകയുടെ 18 ശതമാനം അധികപലിശയും 5000 രൂപ പെനാലിറ്റിയും അടക്കണമെന്നുളള മന്ത്രിയുടെ പ്രസ്താവനം പിന്‍വലിച്ച് വ്യാപാരികള്‍ക്ക് തന്ന വാഗ്ദാനം പാലിക്കണമെന്നും വ്യാപാരികളെ ദ്രോഹിക്കുന്ന നടപടികളില്‍ നിന്നും പിന്‍മാറണമെന്നും സംസ്ഥാന കമ്മിറ്റിക്കുവേണ്ടി സംസ്ഥാന സെക്രട്ടറി നിജാംബഷി പ്രമേയത്തിലൂടെ കേന്ദ്ര സംസ്ഥാന സര്‍ക്കാരിനോട് പ്രസ്താവനയിലൂടെ അഭ്യര്‍ഥിച്ചു.
ജില്ലയില്‍ നിന്നും സംസ്ഥാന സെക്രട്ടറിയായി വീണ്ടും നിജാംബഷിയേയും സംസ്ഥാന ട്രഷററായി വീണ്ടും എം.നസീറിനേയും സംസ്ഥാന സെകേട്ടേറിയേറ്റ് അംഗങ്ങളായി വൈ സാമുവല്‍കുട്ടിയേയും, എ മുഹമ്മദ് ആരിഫിനേയും സംസ്ഥാന എക്‌സിക്യുട്ടീവ് കമ്മിറ്റി മെമ്പര്‍മാരായി ആര്‍ വിജയന്‍പിള്ള, സി.എസ് മോഹന്‍ദാസ്, വി ശശിധരന്‍നായര്‍, കെ സഹദേവന്‍, എന്‍ രാജഗോപാലന്‍നായര്‍, ജി കൃഷ്ണന്‍കുട്ടി നായര്‍, റെജി ഫോട്ടോപാര്‍ക്ക്, സലീം, ബാബുക്കുട്ടന്‍പിള്ള, ഷാജഹാന്‍, എ.എ.ലത്തീഫ് തെരഞ്ഞെടുത്തു.