തിരുവനന്തപുരം: എസ്.കെ.എസ്.എസ്.എഫ് സംസ്ഥാന വ്യാപകമായി ജില്ലാ കേന്ദ്രങ്ങളില്‍ നടത്തുന്ന മതസ്വാതന്ത്ര്യ സംരക്ഷണ റാലി ഇന്നു വൈകുന്നേരം 4 മണിക്ക് പാളയം രക്തസാക്ഷി മണ്ഡപത്തില്‍ നിന്ന് ആരംഭിച്ച് സെക്രട്ടേറിയറ്റ് നടയില്‍ സമാപിക്കും. 

പാണക്കാട് മുനവ്വറലി ശിഹാബ് തങ്ങള്‍ ജാഥ ഫ്‌ളാഗ് ഓഫ് ചെയ്യും.
സമസ്ത കേരളാ ജംഇയ്യത്തുല്‍ ഉലമാ ജില്ലാ പ്രസിഡന്റ് പനവൂര്‍ ഷാജഹാന്‍ ദാരിമി, ജില്ലാ സെക്രട്ടറി ചിറയിന്‍കീഴ് നൗഷാദ് ബാഖവി, വിഴിഞ്ഞം സഈദ് മുസ്‌ലിയാര്‍, ആലംകോട് ഹസന്‍, ഷമീര്‍ പെരിങ്ങമ്മല, അഡ്വ. ഹസീം മുഹമ്മദ്, സലാം വേളി, ഷാനവാസ് മാസ്റ്റര്‍ കണിയാപുരം, അഷ്‌റഫ് ബീമാപ്പള്ളി, നജീബ് വിഴിഞ്ഞം, സക്കീര്‍ മുസ്‌ലിയാര്‍ പെരുമാതുറ, അന്‍സിഫ് കണിയാപുരം, ഷാജുദ്ദീന്‍ ചിറയ്ക്കല്‍ എന്നിവര്‍ നേതൃത്വം നല്‍കും.