ഹൈദരാബാദ്: ജീവനക്കാരന്‍ കുഴഞ്ഞു വീണതിനെത്തുടര്‍ന്ന് ഹൈദരാബാദ് വിമാനത്താവത്തില്‍ വിമാനം അടിയന്തിരമായി നിലത്തിറക്കി. ദോഹയില്‍ നിന്ന് ബാലിയിലേക്ക് പൊകുകയായിരുന്ന ഖത്തര്‍ എയര്‍വേസിന്റെ ക്യു.ആര്‍ 964 വിമാനമാണ് അടിയന്തിര ലാന്റിങ് നടത്തിയത്. വെള്ളിയാഴ്ച അര്‍ധരാത്രിയാണ് സംഭവം.

വിമാനം പറന്നുയര്‍ന്ന ഉടനാണ് ക്യാബിന്‍ ക്രൂ അംഗം തലകറങ്ങി വീണത്. ഇയാളെ ഉടന്‍ അപ്പോളോ ആശുപത്രിയില്‍ പ്രവേശിപ്പിച്ചു. ആരോഗ്യ നില തൃപ്തികരമാണെന്ന് അധികൃതര്‍ അറിയിച്ചു. പിന്നീട് ഇന്നു പുലര്‍ച്ചെയാണ് 240 യാത്രക്കാരുണ്ടായിരുന്ന വിമാനം ബാലിയിലേക്ക് യാത്ര തിരിച്ചത്.