മക്ക: ലോകത്തിന്റെ വിവിധ ഭാഗങ്ങളില്‍ നിന്നും ലക്ഷോപലക്ഷം തീര്‍ഥാടകര്‍ പുണ്യനഗരികളില്‍ എത്തിയതോടെ ഇരു ഹറമുകളിലും ആകാശ നിരീക്ഷണവും ശക്തമാക്കി. മക്ക ഹറം പള്ളിക്കു ചുറ്റും മദീനയിലെ പ്രവാച പള്ളിക്കു ചുറ്റും സഊദി വ്യോമസേനയുടെ വിമാനം സദാ സമയവും ക്യാമറ കണ്ണുകളുമായി റോന്ത് ചുറ്റുകയാണ്. ഇതിനു പുറമെ പരിസരങ്ങളിലെ പ്രധാന പാതകളും ഊടുവഴികളും ഒപ്പിയെടുത്ത് തത്സമയം വേണ്ട നിര്‍ദേശങ്ങള്‍ സെക്യൂരിറ്റി സെന്ററിലേക്ക് നല്‍കുന്നുണ്ട്.

ഏറ്റവും തിരക്കേറിയ ജിദ്ദ-മക്ക എക്‌സ്പ്രസ് ഹൈവേയും മക്ക-മദീന-ജിദ്ദ ഹൈവേയും ആകാശ നിരീക്ഷണത്തിനു കീഴിലാണ്. വ്യോമസേനയുടെ ജാഗ്രത മൂലം അപകടം ഒഴിവാക്കാനും ദുരന്തങ്ങള്‍ തടയാനും സമയാസമയങ്ങളില്‍ ആവശ്യമായ മുന്‍കരുതല്‍ എടുക്കാനും സഹായകമാകുന്നുണ്ട്.