ശ്രീനഗര്‍: ഇന്ത്യ-പാകിസ്താന്‍ അന്താരാഷ്ട്ര അതിര്‍ത്തിയില്‍ നടന്ന സംഘര്‍ഷത്തില്‍ മൂന്നു പാകിസ്താന്‍ റേഞ്ചേഴ്‌സിനെ കൊലപ്പെടുത്തിയതായി ബി.എസ്.എഫ്. കഴിഞ്ഞ ദിവസം പാകിസ്താന്റെ ആക്രമണത്തില്‍ സൈനികന് പരുക്കേറ്റതിന് പകരമായിട്ടാണ് തിരിച്ചടി നല്‍കിയെന്ന് സൈനികര്‍ വ്യക്തമാക്കി.
ജമ്മുവിലെ പര്‍ഗ്‌വാല്‍ മേഖലയില്‍ പ്രകോപനമൊന്നുമില്ലാതെ ഇന്ത്യന്‍ സൈന്യത്തിനെതിരേ വെടിയുതിര്‍ക്കുകയാണ് പാകിസ്താനെന്നും ദേവ്‌റാ ഗ്രാമത്തിലെ സുന്ദര്‍ബനി സെക്ടറില്‍ മോട്ടാര്‍ഷെല്ലാക്രമണത്തില്‍ നിരവധി പേര്‍ക്ക് പരുക്കേറ്റതാണ് സേനാ വക്താവ് അറിയിച്ചു.