മലപ്പുറം: കാളമ്പാടി മഖാം ഉറൂസിന് പ്രൗഢോജ്വല തുടക്കം. കാളമ്പാടി മഖാമില്‍ അന്ത്യവിശ്രമം കൊള്ളുന്ന അബ്ദുല്‍ അലി കോമു മുസ്‌ലിയാര്‍, കോട്ടുമല അബൂബക്കര്‍ മുസ്‌ലിയാര്‍, കാളമ്പാടി മുഹമ്മദ് മുസ്‌ലിയാര്‍ എന്നിവരുടെ പേരിലുള്ള ഉറൂസിനാണ് ഇന്നലെ തുടക്കമായത്. വൈകിട്ട് ആറിന് സമസ്ത മുശാവറ അംഗം കോട്ടുമല മൊയ്തീന്‍ കുട്ടി മുസ്‌ലിയാര്‍ പതാക ഉയര്‍ത്തി. സമസ്ത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ സിയാറത്തിന് നേതൃത്വം നല്‍കി. വൈകിട്ട് ഏഴിന് നടന്ന സമ്മേളനം സമസ്ത മുശാവറ അംഗം ഹൈദര്‍ ഫൈസി പനങ്ങാങ്ങര ഉദ്ഘാടനം ചെയ്തു. കാളാവ് സൈതലവി മുസ്‌ലിയാര്‍ അധ്യക്ഷനായി. തുടര്‍ന്ന് സ്വാലിഹ് ബത്തേരി മതപ്രഭാഷണം നടത്തി. ഡോ.അബ്ദുഹ്മാന്‍ ഫൈസി സ്വാഗതം പറഞ്ഞു. കാടാമ്പുഴ മൂസഹാജി, ഇബ്രാഹിം ഫൈസി തിരൂര്‍ക്കാട്, പി.കെ ലത്വീഫ് ഫൈസി, ചെറീത് ഹാജി വേങ്ങര, സുലൈമാന്‍ ഫൈസി ചുങ്കത്തറ, ഇ.സി കുഞ്ഞാന്‍ ഹാജി, മുഹമ്മദലി ശിഹാബ് ഫൈസി കൂമണ്ണ, അബ്ദുറഹ്മാന്‍ ഫൈസി കടുങ്ങല്ലൂര്‍, അബ്ദുറഹീം ബാഖവി, എന്‍.വി മുഹമ്മദ് ഫൈസി, തോരപ്പ മുഹമ്മദ് ഹാജി, ഇബ്‌റാഹിം മുസ്‌ലിയാര്‍ കാളമ്പാടി സംബന്ധിച്ചു.
രാവിലെ പത്തിന് നടക്കുന്ന ഫിഖ്ഹ് കോണ്‍ഫറന്‍സ് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. കസേര നമസ്‌കാരം എന്ന വിഷയത്തെ കുറിച്ച് നടക്കുന്ന ചര്‍ച്ചക്ക് എം.ടി അബൂബക്കര്‍ ദാരിമി നേതൃത്വം നല്‍കും. ഉച്ചയ്ക്ക് രണ്ടിന് പൂര്‍വ വിദ്യാര്‍ഥി സംഗമവും മൂന്നിന് ഏരിയ ത്വലബാ മീറ്റും നടക്കും. അഞ്ചിന് മൗലിദ് പാരായണം നടക്കും. ഏഴിന് നടക്കുന്ന അനുസ്മരണ സമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത സെക്രട്ടറി എം.ടി അബ്ദുല്ല മുസ്‌ലിയാര്‍ അധ്യക്ഷനാവും. സമസ്ത ട്രഷറര്‍ സി.കെ.എം സ്വാദിഖ് മുസ്‌ലിയാര്‍, പി. കുഞ്ഞാണി മുസ്‌ലിയാര്‍, വാക്കോട് മൊയ്തീന്‍കുട്ടി ഫൈസി, അബ്ദുല്‍ ഹമീദ് ഫൈസി അമ്പലക്കടവ്, പി. ഉബൈദുല്ല എം.എല്‍.എ, സുലൈമാന്‍ ഫൈസി ചുങ്കത്തറ സംസാരിക്കും. എട്ടിന് ഹസ്സന്‍ സഖാഫി പൂക്കോട്ടൂരിന്റെ നേതൃത്വത്തില്‍ മജ്‌ലിസുന്നൂര്‍ സദസ്സ് നടക്കും. ദിക്ര്‍ ദുആ സമ്മേളനത്തിന് ഏലംകുളം ബാപ്പു മുസ്‌ലിയാര്‍ നേതൃത്വം നല്‍കും.