പാരിസ്: ഒരു മെഡല്‍ പോലും സ്വന്തമാക്കാനാകാതെ ലോക ഗുസ്തി ചാംപ്യന്‍ഷിപ്പിലെ ഇന്ത്യന്‍ പോരാട്ടത്തിന് വിരാമം. അവസാന ദിവസം വെങ്കല മെഡല്‍ പോരാട്ടത്തിനായുള്ള റപെഷാഗെ റൗണ്ടില്‍ 65 കിലോയില്‍ മത്സരിച്ച ഇന്ത്യയുടെ ബജ്‌രംഗ് പുനിയ തോല്‍വിയോടെ പുറത്തു പോയതോടെ ഇന്ത്യന്‍ പോരാട്ടത്തിനും തിരശ്ശീല വീഴുകയായിരുന്നു. തുര്‍കി താരം മുസ്തഫ കയയാണ് റപെഷാഗെ റൗണ്ടില്‍ ബജ്‌രംഗിനെ 3-8 എന്ന സ്‌കോറിന് പരാജയപ്പെടുത്തിയത്. 24 അംഗ ടീമുമായാണ് ഇന്ത്യ ലോക പോരാട്ടത്തിന്റെ ഗോദയിലിറങ്ങിയത്.