ആലുവ: എം.എം മണി ഒഴികെയുള്ള മന്ത്രിമാര്‍ വിവരദോഷികളാണെന്ന് എല്‍ദോസ് കുന്നപ്പിള്ളി എം.എല്‍.എ അടുത്ത കാലത്തായി മണി അധികം സംസാരിക്കാത്തതു മൂലമാണ് വിവരക്കേട് പറയാത്തതെന്നും അദ്ദേഹം പറഞ്ഞു.
ചൂര്‍ണിക്കര മണ്ഡലത്തിലെ പട്ടേരിപ്പുറം, എസ്.എന്‍ പുരം പ്രദേശത്തെ കോണ്‍ഗ്രസ് പ്രവര്‍ത്തകര്‍ നടത്തിയ ദീര്‍ഘകാലം പഞ്ചായത്ത് മെമ്പറായിരുന്ന അച്ചാമ്മ ടീച്ചറിന്റെ സ്മരണാര്‍ഥം നടത്തിയ അച്ചാമ്മ ടീച്ചര്‍ സ്മാരക വിദ്യാഭ്യാസ അവാര്‍ഡ് വിതരണം നടത്തി പ്രസംഗിക്കുകയായിരുന്നു അദ്ദേഹം.
ബൂത്ത് പ്രസിഡന്റ് ബെന്നി ആളൂക്കാരന്‍ അധ്യക്ഷത വഹിച്ചു. കേരളത്തിലെ മികച്ച രണ്ടാമത്തെ കൃഷി ഓഫിസറായി തെരെഞ്ഞെടുത്ത ജോണ്‍ ഷെറിയെ യോഗത്തില്‍ അഭിനന്ദിച്ചു. ഇന്ദിരാഗാന്ധി ജന്മശതാബ്ദി ആഘോഷത്തിന്റെ ഭാഗമായിട്ടുള്ള കുടുംബസംഗമം അന്‍വര്‍ സാദത്ത് എം.എല്‍.എ ഉദ്ഘാടനം ചെയ്തു.
കെ.പി.സി.സി സെക്രട്ടറി അബ്ദുല്‍ മുത്തലിബ്, ഡി.സി.സി ഭാരവാഹികളായ മുഹമ്മദ് ഷിയാസ്, ബാബു പുത്തനങ്ങാടി, ബ്ലോക്ക് കോണ്‍ഗ്രസ് പ്രസിഡന്റ് തോപ്പില്‍ അബു, യൂത്ത് കോണ്‍ഗ്രസ് പാര്‍ലമെന്റ് പ്രസിഡന്റ് അഡ്വ. പി.ബി സുനീര്‍, കെ.കെ ജമാല്‍, ടി.ഐ മുഹമ്മദ്, നസീര്‍ ചൂര്‍ണിക്കര, സി.പി നാസര്‍, വില്യം ആലത്തറ, രാജു കുംബ്ലാന്‍, സി.പി നൗഷാദ്, കെ.പി സിയാദ്, സബീര്‍ മുട്ടം, മുഹമ്മദ് ഷെഫീഖ് പഞ്ചായത്ത് മെമ്പര്‍മാരായ സതി ഗോപി, ലിസി സാജു തുടങ്ങിയവര്‍ പ്രസംഗിച്ചു.