മട്ടാഞ്ചേരി: പതിനൊന്ന് പേരുടെ ജീവന്‍ പൊലിഞ്ഞ ഫോര്‍ട്ട്‌കൊച്ചി ബോട്ട് ദുരന്തത്തിന്റെ രണ്ടാം വാര്‍ഷികം കൊച്ചിന്‍ വികസന വേദിയുടെ നേതൃത്വത്തില്‍ സ്മൃതി ദിനമായി ആചരിച്ചു.
ഫോര്‍ട്ട്‌കൊച്ചി കമാലക്കടവില്‍ ദുരന്തം നടന്നയിടത്ത് സ്ഥാപിച്ച മരണമടഞ്ഞവരുടെ ചിത്രങ്ങള്‍ക്ക് മുന്നില്‍ പുഷ്പാര്‍ച്ചന നടത്തി മെഴുകുതിരി തെളിയിച്ച് കണ്ണീര്‍ പ്രണാമം അര്‍പ്പിച്ചു. ചടങ്ങ് സാംസ്‌കാരിക പ്രവര്‍ത്തകന്‍ സലീം ഷുക്കൂര്‍ ഉദ്ഘാടനം ചെയ്തു. സംഘടന പ്രസിഡന്റ്് കെ.ബി സലാം അധ്യക്ഷത വഹിച്ചു.
ഷരീഫ് അലിസര്‍, എം.എം സലീം, ഷമീര്‍ വളവത്ത്, ഷംസു യാക്കൂബ് സേഠ്, എസ്.കൃഷ്ണകുമാര്‍, കെ.ബി.ജബ്ബാര്‍, ജ്യോതിഷ് രവീന്ദ്രന്‍, അസീം ഹംസ തുടങ്ങിയവര്‍ സംസാരിച്ചു.
എന്‍.ശ്രീനിവാസ മല്യ, സുജിത്ത് മോഹനന്‍, അയൂബ് സുലൈമാന്‍, ഇന്ദു ജ്യോതിഷ്, കെ.ബി അബ്ദു, റജീന അയൂബ്, ഷീജാ സുധീര്‍, സൗമ്യ അബ്ദു, പി.എഫ് ബോബി, യു.എ അബ്ദുല്‍ കലാം, ഇ.എ ഫൈസല്‍ തുടങ്ങിയവര്‍ നേതൃത്വം നല്‍കി.