പെരുമ്പാവൂര്‍: കേരള സാമൂഹ്യ സുരക്ഷമിഷനും പെരുമ്പാവൂര്‍ നഗരസഭയും വോഡഫോണും സംയുക്തമായി വയോജനങ്ങള്‍ക്കായി വയോമിത്രത്തിന്റെ ആഭിമുഖ്യത്തില്‍ ഓണാഘോഷവും ഓണസദ്യയും സംഘടിപ്പിച്ചു. നഗരസഭ ചെയര്‍പേഴ്‌സണ്‍ സതി ജയകൃഷ്ണന്‍ ഉദ്ഘാടനം നിര്‍വഹിച്ചു.
വൈസ് ചെയര്‍പേഴ്‌സണ്‍ നിഷ വിനയന്‍ അധ്യക്ഷത വഹിച്ചു. വയോജനങ്ങളുടെ തിരുവാതിര, കിച്ചണ്‍ ഡാന്‍സ്, മാജിക് ഷോ, മോണോ ആക്ട്, കോമഡി സ്‌കിറ്റ്, സിനിമാറ്റിക് ഡാന്‍സ്, വഞ്ചിപ്പാട്ട് തുടങ്ങിയവും ആശ്രയ സ്‌പെഷ്യല്‍ സ്‌കൂളിലെ ഭിന്നശേഷിക്കാരായ കുട്ടികള്‍ അവതരിപ്പിച്ച വിവിധ പരിപാടികളും അരങ്ങേറി. സ്‌കൂള്‍ വിദ്യാര്‍ത്ഥികള്‍, നഗരസഭ ജീവനക്കാര്‍, അംഗനവാടി ടീച്ചര്‍മാര്‍ തുടങ്ങിയവരുടെ കലാപരിപാടികളും വയോജനങ്ങളുടെ പൂക്കള മത്സരവും ഓണസദ്യയും നടന്നു.
ചടങ്ങില്‍ ആരോഗ്യ സ്റ്റാന്റിങ് കമ്മറ്റി ചെയര്‍പേഴ്‌സണ്‍ സുലേഖ ഗോപാലകൃഷ്ണന്‍, മരാമത്ത് സ്റ്റാന്റിങ് കമ്മിറ്റി ചെയര്‍പേഴ്‌സണ്‍ വത്സല രവികുമാര്‍, കുടംബശ്രീ ചെയര്‍പേഴ്‌സണ്‍ സുബൈദ മുഹമ്മദ്, വയോമിത്രം കോ-ഓര്‍ഡിനേറ്റര്‍ എബി എബ്രഹാം എന്നിവര്‍ സംസാരിച്ചു.