എടപ്പാള്‍: സരസ് മേളയുടെ രണ്ടാം ദിനമായിരുന്ന ഇന്നലെ നടന്ന സാംസ്‌കാരിക സദസ് സിനിമാ താരം മാമുക്കോയ ഉദ്ഘാടനം ചെയ്തു. വി. അബ്ദുര്‍റഹ്മാന്‍ എം.എല്‍.എ അധ്യക്ഷനായി. മന്ത്രി കെ.ടി ജലീല്‍ മുഖ്യാതിഥിയായി.
പൊന്നാനി ബ്ലോക്ക് പഞ്ചായത്ത് പ്രസിഡന്റ് കെ. ലക്ഷമി, ജില്ലാപഞ്ചായത്ത് അംഗം എം.ബി ഫൈസല്‍, ഹേമലത സംസാരിച്ചു. തുടര്‍ന്നു കൊല്ലം കാളിദാസ കലാകേന്ദ്രത്തിന്റെ നാടകം അരങ്ങേറി. മൂന്നാം ദിനമായ ഇന്നു വൈകിട്ട് നടക്കുന്ന സാംസ്‌കാരിക സദസ് മലയാളം സര്‍വകലാശാല വൈസ് ചാന്‍സലര്‍ കെ. ജയകുമാര്‍ ഐ.എ.എസ് ഉദ്ഘാടനം ചെയ്യും.
ജില്ലാ കലക്ടര്‍ അമിത് മീണ അധ്യക്ഷനാകും. നിലമ്പൂര്‍ ആയിഷ മുഖ്യാതിഥിയാകും. തുടര്‍ന്നു ഫിറോസ് ബാബുവും എടപ്പാള്‍ വിശ്വനും ഒരുക്കുന്ന ഗാനമേള നടക്കും.