മലപ്പുറം: മലപ്പുറത്തുനിന്നു മൈസൂരുവിലേക്കു നേരിട്ടു കെ.എസ്.ആര്‍.ടി.സി സര്‍വിസ് തുടങ്ങി. മലപ്പുറം കെ.എസ്.ആര്‍.ടി.സി ഡിപ്പോയില്‍ നടന്ന ചടങ്ങില്‍ പി. ഉബൈദുല്ല എം.എല്‍.എ ഫ്‌ളാഗ് ഓഫ് ചെയ്തു. പുലര്‍ച്ചെ 5.30നു മലപ്പുറത്തുനിന്നു പുറപ്പെടുന്ന സൂപ്പര്‍ഫാസ്റ്റ് ബസ് അരീക്കോട്, മുക്കം, താമരശ്ശേരി, ബത്തേരി വഴിയാണ് സര്‍വിസ് നടത്തുന്നത്.
ഉച്ചയ്ക്കു 2.15നു മൈസൂരുവില്‍നിന്നു തിരിക്കുന്ന ബസ് രാത്രി എട്ടിനു മലപ്പുറത്തെത്തും. സൂപ്പര്‍ ഫാസ്റ്റിന്റെ സ്റ്റേജ് അനുസരിച്ചുള്ള നിരക്കായിരിക്കും ഈടാക്കുക. സഞ്ചാരികള്‍ക്കു പുറമേ വിദ്യാര്‍ഥികള്‍, ജോലിക്കാര്‍ തുടങ്ങിയവര്‍ക്കും സര്‍വിസ് ഉപകാരപ്പെടും.