തേഞ്ഞിപ്പലം: കാലിക്കറ്റ് സര്‍വകലാശാലാ സി.എച്ച് മുഹമ്മദ് കോയ ചെയറിന്റെ ആഭിമുഖ്യത്തില്‍ കേരളത്തിലെ ഉന്നത മത വിദ്യാഭ്യാസം-സമഗ്ര സമീപനം എന്ന വിഷയത്തില്‍ സര്‍വകലാശാലാ സെമിനാര്‍ കോംപ്ലക്‌സില്‍ നാളെ വൈകിട്ട് മൂന്നിന് സെമിനാര്‍ സംഘടിപ്പിക്കും. പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. തിരഞ്ഞെടുത്ത 100 ഗ്രന്ഥശാലകള്‍ക്ക് ഗ്രേസ് എജ്യുക്കേഷനല്‍ അസോസിയേഷനും ദുബൈ മലപ്പുറം ജില്ലാ കെ.എം.സി.സിയും സമ്മാനിക്കുന്ന ഗ്രന്ഥശേഖര വിതരണത്തിന്റെ ഉദ്ഘാടനവും അദ്ദേഹം നിര്‍വഹിക്കും. പി.കെ അബ്ദുറബ്ബ് എം.എല്‍.എ അധ്യക്ഷനാകും. പി. അബ്ദുല്‍ ഹമീദ് എം.എല്‍.എ മുഖ്യപ്രഭാഷണം നടത്തും. പി.കെ അന്‍വര്‍ നഹ, പ്രൊഫ. പി. മുഹമ്മദ് കുട്ടശ്ശേരി, സിന്‍ഡിക്കേറ്റ് അംഗം പി.എ റഷീദ്, പ്രൊഫ. അബ്ദുല്‍ ഹക്കീം ഫൈസി ആദൃശ്ശേരി, ഡോ. മുഹമ്മദ് ഉണ്ണി എലിയാസ് മുസ്തഫ, പി.കെ അബ്ദുല്‍ ലത്തീഫ്, പി.വി നാസര്‍ എന്നിവര്‍ പങ്കെടുക്കും