തിരുവനന്തപുരം: കരുണാകര ഗുരുവിന്റെ നവതി ആഘോഷങ്ങളുടെ ഭാഗമായി ശാന്തിഗിരി റിസര്‍ച്ച് ഫൗണ്ടേഷന്റെ ആഭിമുഖ്യത്തില്‍ നടക്കുന്ന സ്പിരിച്ച്വല്‍ കോണ്‍ക്ലേവ് വിദേശപ്രതിനിധികളുടേയും ഇന്ത്യയിലെ വിവിധ യൂനിവേഴ്‌സിറ്റികളിലെ പ്രൊഫസര്‍മാരുടേയും പങ്കാളിത്തം കൊണ്ട് ശ്രദ്ധേയമായി. ധര്‍മ്മത്തിന്റെ വിവിധ വശങ്ങളെക്കുറിച്ചും ആത്മീയതയെക്കുറിച്ചും ഭാരതീയ ദര്‍ശനങ്ങളെക്കുറിച്ചും ലോക സമാധാനത്തെക്കുറിച്ചും കോണ്‍ക്ലേവില്‍ സമഗ്രചര്‍ച്ചകള്‍ നടന്നു.
24 മുതല്‍ നടന്ന കോണ്‍ക്ലേവില്‍ രാജ്യത്തിനകത്തും പുറത്തുമുള്ള നിരവധി പേര്‍ നൂറിലധികം പ്രബന്ധങ്ങള്‍ അവതരിപ്പിച്ചു. കോണ്‍ക്ലേവിന്റെ സമാപനം ഇന്ന് വൈകുന്നേരം 3ന് മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്യും.
ഡോ. എ. സമ്പത്ത് എം.പി അധ്യക്ഷനാവും.