മട്ടന്നൂര്‍: പഴശ്ശിരാജ കോളജ് ഫിസിക്‌സ് വിഭാഗം അധ്യാപകനും കോണ്‍ഗ്രസ് അധ്യാപക സംഘടനയായ കെ.പി.സി.ടി.എയുടെ എന്‍.എസ്.എസ് കോഓര്‍ഡിനേഷന്‍ സംസ്ഥാന സെക്രട്ടറിയുമായ ഡോ. ആര്‍.കെ ബിജുവിന്റെ കാര്‍ വികൃതമാക്കി. കോളജ് പരിസരത്ത് പാര്‍ക്കുചെയ്ത കാറിന്റെ നാലുഭാഗവും ഇരുമ്പാണി കൊണ്ട് കുത്തിവരച്ചു. കഴിഞ്ഞദിവസം വൈകിട്ട് നാലിനു ശേഷമാണ് സംഭവം. കഴിഞ്ഞവര്‍ഷം അന്നത്തെ പ്രിന്‍സിപ്പല്‍ ഡോ. കെ ശങ്കറിന്റെ കാറിനോടൊപ്പം ഇദ്ദേഹത്തിന്റെ കാറിനും കേടുവരുത്തിയിരുന്നു. കോളജിലെ സമാധാന അന്തരീക്ഷം തകര്‍ക്കാനുള്ള സാമൂഹ്യവിരുദ്ധ നടപടിയില്‍ കോളജ് കെ.പി.സി.ടി.എ യൂനിറ്റ് പ്രതിഷേധിച്ചു.