വളപട്ടണം: അഴീക്കോട് മൂന്നുനിരത്തില്‍ നിര്‍ത്തിയിട്ട സ്വകാര്യ ബസ് അടിച്ചുതകര്‍ത്തു. മൂന്നുനിരത്ത് ജങ്ഷനു സമീപം നിര്‍ത്തിയ ഫാത്തിമ ബസിന്റെ മുന്‍വശത്തെയും പിറകുവശത്തെയും ചില്ലുകളാണു ബുധനാഴ്ച രാത്രി ഒരുസംഘം അടിച്ചുതകര്‍ത്തത്. സമാധാനം നിലനില്‍ക്കുന്ന മൂന്നുനിരത്ത് പ്രദേശത്ത് ബോധപൂര്‍വം കുഴപ്പമുണ്ടാക്കാനുള്ള ശ്രമത്തിന്റെ ഭാഗമാണു ബസ് തകര്‍ത്ത സംഭവമെന്നു പരിസരവാസികള്‍ പരാതിപ്പെട്ടു. വളപട്ടണം പൊലിസ് സ്ഥലത്തെത്തി.