വിഴിഞ്ഞം: ബൈത്തു റഹ്മ പദ്ധതി മുസ്‌ലിം ലീഗിന്റെ ചരിത്ര താളുകളില്‍ സ്വര്‍ണ്ണ ലിപികളില്‍ രേഖപ്പെടുത്താവുന്ന ഏറ്റവും വലിയ നേട്ടമാണെന്ന് മുസ്‌ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍. മുസ്‌ലിം ലീഗ് വിഴിഞ്ഞം മേഖലാകമ്മറ്റിയുടെ ആഭിമുഖ്യത്തില്‍ വിഴിഞ്ഞം ഹാര്‍ബര്‍ വലിയപറമ്പില്‍ നിര്‍മിച്ച ബൈത്തുറഹ്മ ഭവനത്തിന്റെ താക്കോല്‍ദാന ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജാതി മത ഭേതമന്യേ കക്ഷിരാഷ്ട്രീയമില്ലാതെ മുസ്‌ലിം ലീഗിന്റെ പ്രവര്‍ത്തകര്‍ നിര്‍മിച്ചു നല്‍കിയ ഭവനങ്ങളില്‍ ആയിരങ്ങള്‍ അന്തിയുറങ്ങുന്നുവെന്നത് അഭിമാനകരമായ കാര്യമാണെന്നും മുനവ്വറലി ശിഹാബ് തങ്ങള്‍ പറഞ്ഞു.
കെ.എം.സി.സി ഹോത്ത ബനി തമീം പാലക്കാട് കമ്മിറ്റിയുടെ സഹായത്തോടെ വിഴിഞ്ഞം വലിയപറമ്പ് സ്വദേശി സെയ്ദലിക്കാണ് വീട് നിര്‍മിച്ച് നല്‍കിയത്. മുസ്‌ലിം ലീഗ് ജില്ലാസെക്രട്ടറി അബ്ദുല്‍ റസാഖ് ചടങ്ങില്‍ അധ്യക്ഷനായി. അഡ്വ:എം.വിന്‍സെന്റ് എം.എല്‍.എ മുഖ്യപ്രഭാഷണം നടത്തി. മുസ്‌ലിം ലീഗ് ജില്ലാ പ്രസിഡന്റ് ബീമാപള്ളി റഷീദ്, ജനറല്‍ സെക്രട്ടറി പ്രഫ. തോന്നയ്ക്കല്‍ ജമാല്‍, മുസ്‌ലിം ലീഗ് കോവളം മണ്ഡലം പ്രസിഡന്റ് ഹുമയൂണ്‍ കബീര്‍, യൂത്ത് ലീഗ് ജില്ലാ വൈസ് പ്രസിഡന്റ് അബ്ദുള്‍കലാം മിസ്ബാഹി, ഡോ: എച്ച്.എ.റഹ്മാന്‍, ഹാര്‍ബര്‍ വാര്‍ഡ് കൗണ്‍സിലര്‍ നിസാബീവി, കോണ്‍ഗ്രസ് വിഴിഞ്ഞം മണ്ഡലം പ്രസിഡന്റ് മുജീബ് റഹ്മാന്‍, എം.എസ്.എഫ് ജില്ലാ വൈസ് പ്രസിഡന്റ് എ.അജ്മല്‍, കെ.എം.സി.സി പ്രസിഡന്റ് കെ.എന്‍.എ അസീസ്, മൊയ്തീന്‍ കുട്ടി ചേളാരി, മുസ്‌ലിം ലീഗ് മേഖലാ പ്രസിഡന്റ് വിഴിഞ്ഞം നൂറുദീന്‍, മേഖലാ സെക്രട്ടറി ഹിദായത്ത്, നേതാക്കളായ എം.എം.ഇബ്രാഹിം, ഹുസൈന്‍, ഇബ്രാഹിം, ഹസന്‍ കണ്ണ്, സുലൈമാന്‍ മുസ്‌ലിയാര്‍, അല്‍ അമീന്‍, സുഹൈല്‍, ജാഫര്‍ ഖാന്‍, നാഗൂര്‍ കണ്ണ് എന്നിവര്‍ പങ്കെടുത്തു.