തിരുവനന്തപുരം: അയ്യങ്കാളി ജയന്തി ദിനത്തിലെ അവധി പുനഃസ്ഥാപിച്ച് സര്‍ക്കാര്‍ ഉത്തരവായി. ആഗസ്റ്റ് 28ന് അയ്യങ്കാളി ദിനത്തില്‍ എല്ലാ ഉന്നത വിദ്യാഭ്യാസ സ്ഥാപനങ്ങളിലെയും അവധി റദ്ദാക്കണമെന്ന് നേരത്തെ ഉത്തരവിറക്കിയിരുന്നു.

നിലവില്‍ 28ന് പൊതു അവധിയാണ്. മെഡിക്കല്‍ സ്‌പോട്ട് അലോട്‌മെന്റുമായി ബന്ധപ്പെട്ടാണ് അവധി റദ്ദാക്കി ഉത്തരവിറക്കിയിരുന്നത്. എന്നാല്‍, മുഖ്യമന്ത്രിയുടെ ഇടപെടലിനെത്തുടര്‍ന്നാണ് ഈ ഉത്തരവ് റദ്ദാക്കി അവധി പുന: സ്ഥാപിച്ചത്.

അലോട്‌മെന്റിനായി കോളജ് ഓഫിസുകള്‍ പ്രവര്‍ത്തിക്കുകയും ഉദ്യോഗസ്ഥര്‍ മാത്രം ഹാജരായാല്‍ മതിയെന്നും പുതിയ ഉത്തരവില്‍ നിര്‍ദേശിച്ചു. അയ്യങ്കാളി ജയന്തി ദിനത്തിലെ അവധി മുടക്കിയത് നേരത്തെ വിവാദമായിരുന്നു. ഈ സാഹചര്യത്തിലാണ് മുഖ്യമന്ത്രയുടെ ഇടപെടലുണ്ടായത്.