തളിപ്പറമ്പ: കെ.സി അബ്ദു ശുക്കൂര്‍ ഫൈസിയുടെ നേതൃത്വത്തിലുള്ള ഹജ്ജ് യാത്രാ സംഘം പുറപ്പെട്ടു. കൊച്ചി അന്താരാഷ്ട്ര വിമാനത്താവളത്തില്‍ നിന്ന് സഊദി എയര്‍ലൈന്‍സ് വിമാനത്തിലാണ് ജിദ്ദയിലേക്ക് തിരിച്ചത്. തളിപ്പറമ്പ പുഷ്പഗിരി അന്‍സാറുല്‍ ഇസ്‌ലാം മദ്‌റസയില്‍ നടന്ന യാത്രയയപ്പില്‍ സയ്യിദ് ഫൈസല്‍ ഹുദവി തങ്ങള്‍ പ്രാര്‍ഥനക്ക് നേതൃത്വം നല്‍കി. പുഷ്പഗിരി മഹല്ല് പ്രസിഡന്റ് കരീം ഹാജി ഉദ്ഘാടനം ചെയ്തു. ചീഫ് അമീര്‍ ശുക്കൂര്‍ ഫൈസി യാത്രക്കാര്‍ക്കുള്ള നിര്‍ദേശങ്ങള്‍  നല്‍കി. ഹസന്‍ ദാരിമി, അമീര്‍ അസ്അദി, ഹാരിസ് അസ്ഹരി, അബ്ദുല്ല ഹാജി, സ്വാലി ഹാജി, അസീസ് ഹാജി, മുഹമ്മദ് കുഞ്ഞിഹാജി അള്ളാംകുളം, റസാഖ് കെ.വി.ടി സംസാരിച്ചു.