കോണികൊപ്പ: കുടകില്‍ റെയില്‍വേ ദേശീയപാത പദ്ധതി നടപ്പിലാക്കുന്നതിനെതിരേ പ്രതിഷേധ റാലി നടത്തി. കുടക് ഉളിസി കാവേരി നദി രക്ഷിതി, ബോധവല്‍ക്കരണ സമിതി എന്നിവയുടെ നേതൃത്വത്തിലാണ് കഴിഞ്ഞ ദിവസം പൊന്നംപേട്ടയില്‍ നിന്നു കുട്ടവരെ വാഹന റാലി സംഘടിപ്പിച്ചത്. മൈസൂരില്‍ നിന്ന് കുശാല്‍ നഗരിലേക്ക് രണ്ടുവരി റെയില്‍പാത ആരംഭിക്കുന്നതിനും ജില്ലയിലെ പ്രധാനപാതകള്‍ നാലുവരിയായി  വികസിപ്പിക്കുന്നതിനും എതിരെയാണ് പ്രതിഷേധം. പാത വികസിപ്പിക്കല്‍ തടയണമെന്നാവശ്യപ്പെട്ട് പ്രധാനമന്ത്രിക്കും മുഖ്യമന്ത്രിക്കും കത്തെഴുതുമെന്ന് നേതാക്കള്‍ പറഞ്ഞു. കുട്ട സ്റ്റാന്‍ഡില്‍ നടന്ന സമാപന പരിപാടിയില്‍ സമിതി കണ്‍വീനര്‍ ചെപ്പുഡിറ പി. മുത്തണ്ണ, കൊക്കെളെമാഡ മഞ്ചു ചിണ്ണപ്പ സംസാരിച്ചു.