മട്ടന്നൂര്‍: സ്‌കൂള്‍ തെരഞ്ഞെടുപ്പുമായി ബന്ധപ്പെട്ട് എസ്.എഫ്.ഐ-കെ.എസ്.യു സംഘര്‍ഷത്തില്‍ മൂന്ന് വിദ്യാര്‍ഥികള്‍ക്കു പരുക്കേറ്റു. കെ.എസ്.യു മട്ടന്നൂര്‍ ബ്ലോക്ക് പ്രസിഡന്റ് ആദര്‍ശ് മാങ്ങാട്ടിടം (24), വിജേഷ് (20) എന്നിവരെ കണ്ണൂര്‍ ജില്ലാ ആശുപത്രിയിലും എസ്.എഫ് ഐ പ്രവര്‍ത്തകന്‍ വിഷ്ണുവിനെ മട്ടന്നൂര്‍ ഗവ.ആശുപത്രിയിലും പ്രവേശിപ്പിച്ചു. എടയന്നൂര്‍ ഹൈസ്‌കൂളില്‍ കെ.എസ്.യു-എം.എസ്.എഫ് വിദ്യാര്‍ഥികളുടെ ആഹ്ലാദ പ്രകടനത്തിനു നേരം കല്ലേറുണ്ടായി. ഇരുവിഭാഗങ്ങള്‍ തമ്മില്‍ കല്ലേറു നടത്തുന്നതിനിടയില്‍ പൊലിസ് ലാത്തി വീശി. സി.പി.എം പ്രവര്‍ത്തകരാണ് കല്ലെറിഞ്ഞതെന്ന് കെ.എസ്.യു ആരോപിച്ചു. അക്രമത്തില്‍ പ്രതിഷേധിച്ച് മട്ടന്നൂര്‍ മേഖലയില്‍ കെ.എസ്.യു പ്രതിഷേധദിനാചരണം നടത്തും. അക്രമത്തില്‍ കെ.എസ്.യു പയ്യന്നൂര്‍ ബ്ലോക്ക് പ്രസിഡന്റ് സിബിന്‍ ജോസഫിനും പരുക്കേറ്റു.