മലപ്പുറം: മുസ്‌ലിം യൂത്ത്‌ലീഗ് ജില്ലാ കമ്മിറ്റി സംഘടിപ്പിക്കുന്ന ആരോഗ്യ മലപ്പുറം കാംപയിന്‍ ഉദ്ഘാടനം ഇന്നു വൈകിട്ട് ഏഴിനു മലപ്പുറം വാരിയന്‍കുന്നത്ത് ടൗണ്‍ഹാളില്‍ നടക്കും. മുസ്‌ലിംലീഗ് സംസ്ഥാന പ്രസിഡന്റ് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും.
വര്‍ധിച്ചുവരുന്ന ജീവിതശൈലീ രോഗങ്ങള്‍ക്കെതിരേ ഭക്ഷണം, ചികിത്സ, വ്യായാമം എന്നീ മേഖലകളിലായി വ്യത്യസ്ത പദ്ധതികളാണ് ആസൂത്രണം ചെയ്തിട്ടുള്ളത്. ജനീകയ സഹകരണത്തോടെ നടപ്പാക്കുന്ന ഒരു വര്‍ഷം നീണ്ടുനില്‍ക്കുന്ന പദ്ധതിയുടെ സമാപനത്തോടെ റിപ്പോര്‍ട്ട് സര്‍ക്കാരിനു സമര്‍പ്പിക്കും. വൃക്ക സംരക്ഷണം, കാന്‍സര്‍ പ്രതിരോധം, ഹൃദയ സുരക്ഷ, രോഗങ്ങളില്ലാത്ത ജീവിത ശൈലി, ആരോഗ്യത്തിലേക്കു നടക്കാം, ഫുട്ബാള്‍ വിചാരം, ചികിത്സാ ചൂഷണത്തിനെതിരേ പ്രതിരോധം, ലഹരിവിരുദ്ധ ബോധവല്‍ക്കരണം എന്നിവ പദ്ധതിയുടെ ഭാഗമാണ്.
പദ്ധതിയുമായി ബന്ധപ്പെട്ടു ജില്ലാ മെഡിക്കല്‍ ഓഫിസര്‍ ഡോ. സക്കീന, പി.കെ വാര്യര്‍ എന്നിവരുമായി ആരോഗ്യമലപ്പുറം പ്രവര്‍ത്തകര്‍ ചര്‍ച്ച നടത്തി. കാംപയിന്‍ ഉദ്ഘാടന പരിപാടിയില്‍ മുസ്‌ലിംലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി എംപി, സയ്യിദ് സാദിഖലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍, പി.വി അബ്ദുല്‍ വഹാബ് എം.പി, മുസ്‌ലിംലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ്, അബ്ദുസമദ് സമദാനി, കെ.എന്‍.എ ഖാദര്‍, യു.എ ലത്വീഫ്, പി.കെ ഫിറോസ്, ഡി.സി.സി പ്രസിഡന്റ് വി.വി പ്രകാശ്, അഡ്വ. എം. റഹ്മത്തുല്ല, കോട്ടക്കല്‍ ആര്യവൈദ്യശാല സൂപ്രണ്ട് മാധവന്‍കുട്ടി വാര്യര്‍, സി.പി സൈതലവി, എം.എല്‍.എമാരായ പി.കെ അബ്ദുര്‍റബ്ബ്, മഞ്ഞളാംകുഴി അലി, എം. ഉമ്മര്‍, പി. അബ്ദുല്‍ ഹമീദ്, ടി.എ അഹമ്മദ് കബീര്‍, പി. ഉബൈദുല്ല, പി.കെ ബഷീര്‍, സയ്യിദ് ആബിദ് ഹുസൈന്‍ തങ്ങള്‍, ടി.വി ഇബ്രാഹിം, എന്‍. ശംസുദ്ദീന്‍, സി. മമ്മുട്ടി, ജില്ലാപഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, വി. സുധാകരന്‍, പി.കെ അന്‍വര്‍ നഹ, അഡ്വ. ഫൈസല്‍ ബാബു, ഫൈസല്‍ ബാഫഖി തങ്ങള്‍, മുജീബ് കാടേരി, ടി.പി അഷ്‌റഫലി, സുഹറ മമ്പാട് പങ്കെടുക്കും.