കല്ലമ്പലം: കെ.ടി.സി.ടിയുടെ കീഴില്‍ പ്രവര്‍ത്തിക്കുന്ന സ്വലാഹിയ ഇസ്‌ലാമിക് യൂനിവേഴ്‌സിറ്റിയില്‍ ഫാളില്‍ അസ്‌ലഹി ബിരുദാരന്തര ബിരുദ കോഴ്‌സിന് തുടക്കമായി. കടുവാപള്ളിയില്‍ നടന്ന സമ്മേളനത്തില്‍ മുഹമ്മദ് ഈസാ ഫാളില്‍ മന്‍ബഈ ഉദ്ഘാടനം നിര്‍വഹിച്ചു. രണ്ടു വര്‍ഷം കൊണ്ടു പൂര്‍ത്തിയാകുന്ന കോഴ്‌സ് ദക്ഷിണ കേരളത്തില്‍ കെ.ടി.സി.ടിയില്‍ മാത്രമാണുള്ളത്.
യൂനിവേഴ്‌സിറ്റി ചെയര്‍മാന്‍ മന്‍സുറുദ്ദീന്‍ റഷാദി അധ്യക്ഷനായി. ചാന്‍സിലര്‍ മുസ്തഫാ ഹസ്രത്ത്, പ്രോ ചാന്‍സിലര്‍ റഫീഖ് മന്നാനി, കടുവാപ്പള്ളി ചീഫ് ഇമാം അബൂറബീഅ് സ്വദഖത്തുള്ള ബാഖവി, ഷെഫീഖ് ഖാസിമി, കെ.ടി.സി.ടി ചെയര്‍മാന്‍ പി.ജെ നഹാസ്, പ്രസിഡന്റ് ഇ. ഫസിലുദ്ദീന്‍, സെക്രട്ടറി എ.എം.എ റഹീം, എം.ഐ ഷാജഹാന്‍, എ.നഹാസ്, എം.എസ് ഷെഫീര്‍, എസ്.നൗഷാദ്, ഇര്‍ഷാദ് ബാഖവി, എം.അബ്ദുല്‍ വാഹിദ്, മുഹമ്മദ് ഷെഫീഖ് സംസാരിച്ചു.