പാലക്കാട്: ജില്ലാ കലക്ടറായിരുന്ന പി. മേരിക്കുട്ടിക്ക് നെഹ്‌റു യുവകേന്ദ്രയുടെയും ഗിരിവികാസ്, സേവക് പ്രൊജക്ടുകളുടെയും ആഭിമുഖ്യത്തില്‍ യാത്രയയപ്പ് നല്‍കി. ജില്ലയിലെ യുവജനങ്ങള്‍ക്ക് ദിശാബോധവും അവസരങ്ങളും നല്‍കുന്നതില്‍ നെഹ്‌റു യുവകേന്ദ്രയുടെ പങ്ക് മികച്ചതാണെന്ന് മേരിക്കുട്ടി അഭിപ്രായപ്പെട്ടു. സേവക്കിലെ എല്ലാ ജീവനക്കാര്‍ക്കും ഇ.എസ്.ഐ, പി.എഫ് തുടങ്ങിയ ആനുകൂല്യങ്ങള്‍ നല്‍കാന്‍ കഴിഞ്ഞത് ചാരിതാര്‍ഥ്യം നല്‍കിയതായി കലക്ടര്‍ പറഞ്ഞു. എം. അനില്‍കുമാര്‍ അധ്യക്ഷനായി. എന്‍. കര്‍പ്പകം, കെ. ശിവദാസന്‍, കെ. ഷിജിത്ത്കുമാര്‍, എം. സജനി സംസാരിച്ചു.