അരിമ്പൂര്‍: ഞായറാഴ്ച രാവിലെ മുതല്‍ പെയ്ത കനത്ത മഴ മൂലം അരിമ്പൂര്‍ പഞ്ചായത്തിലെ ഒരു കിണര്‍ മോട്ടോര്‍ഷെഡുള്‍പ്പടെ ഇടിഞ്ഞ് താഴ്ന്ന് അപ്രത്യക്ഷമായി.
മൂന്ന് വീടുകള്‍ തകര്‍ച്ച ഭീഷണിയിലുമാണ്. എറവ് കപ്പല്‍ പള്ളിക്ക് സമീപം എടക്കാട്ട് വീട്ടില്‍ ജിതേഷിന്റെ കിണറും മോട്ടോര്‍ ഷെഡുമാണ് ഭൂമി പിളര്‍ന്ന് അപ്രത്യക്ഷമായത്. ഇതിന്റെ പ്രതിഫലനമെന്നോണം സമീപത്തെ വടക്കേടത്ത് വീട്ടില്‍ ഡോ. ഉണ്ണി കൃഷ്ണന്‍, കോന്നിക്കര വീട്ടില്‍ ജോണ്‍സന്റെ വീടുകളാണ് ഭാഗികമായി തകര്‍ന്നത്. ജിതേഷിന്റെ കിണറിനോട് ചേര്‍ന്നുള്ള ഡോ. ഉണ്ണികൃഷ്ണന്റെ വീടിന്റെ സിറ്റൗട്ട് ഉള്‍പ്പടെയുള്ള ഭാഗങ്ങളെല്ലാം തകര്‍ന്നടിഞ്ഞ നിലയിലാണ്.