നീലേശ്വരം: സ്വാതന്ത്ര്യത്തിന്റെ 70-ം വാര്‍ഷികാഘോഷങ്ങളുടെ ഭാഗമായി നീലേശ്വരം നഗരസഭയുടെ നേതൃത്വത്തില്‍ സ്വാതന്ത്ര്യ ദിനത്തില്‍ സ്മൃതിയാത്ര, ചരിത്ര സെമിനാര്‍ തുടങ്ങിയവ സംഘടിപ്പിക്കും. നഗരസഭ ഓഫിസിനു സമീപത്തുള്ള സ്വാതന്ത്ര്യസമര സ്മൃതി മണ്ഡപത്തിലും പാലായി രക്തസാക്ഷി സ്മൃതി മണ്ഡപത്തിലും പുഷ്പാര്‍ച്ചന നടത്തും.
       സ്വാതന്ത്ര്യസമരത്തിനു വേദിയായിരുന്ന രാജാസ് ഹയര്‍സെക്കന്‍ഡറി സ്‌കൂള്‍ കേന്ദ്രീകരിച്ച് സ്മൃതിയാത്ര നടക്കും. ശ്രീവത്സം ഓഡിറ്റോറിയത്തില്‍ നടക്കുന്ന സെമിനാര്‍ കേന്ദ്ര സര്‍വകലാശാല വൈസ് ചാന്‍സലര്‍ ഡോ.ജി ഗോപകുമാര്‍ ഉദ്ഘാടനം ചെയ്യും. സ്വാതന്ത്ര്യസമര സേനാനി കെ.ആര്‍ കണ്ണന്‍ സ്വാതന്ത്ര്യദിന സന്ദേശം നല്‍കും.