ലീഡ്‌സ്: ഇംഗ്ലണ്ടിനെതിരായ രണ്ടാം ക്രിക്കറ്റ് ടെസ്റ്റില്‍ വെസ്റ്റിന്‍ഡീസിന് 322 റണ്‍സ് വിജയ ലക്ഷ്യം. ആദ്യ ഇന്നിങ്‌സില്‍ ലീഡ് വഴങ്ങി രണ്ടാം ഇന്നിങ്‌സില്‍ ബാറ്റിങിനിറങ്ങിയ ഇംഗ്ലണ്ട് എട്ട് വിക്കറ്റ് നഷ്ടത്തില്‍ 490 റണ്‍സെന്ന മികച്ച സ്‌കോറില്‍ ഇന്നിങ്‌സ് ഡിക്ലയര്‍ ചെയ്തു.
ആദ്യ ഇന്നിങ്‌സില്‍ ഇംഗ്ലണ്ട് 258 റണ്‍സില്‍ പുറത്തായപ്പോള്‍ വിന്‍ഡീസ് 427 റണ്‍സെടുത്തിരുന്നു. എന്നാല്‍ രണ്ടാം ഇന്നിങ്‌സില്‍ ഇംഗ്ലണ്ട് മികവ് പുലര്‍ത്തി. മോയിന്‍ അലി (84), ജോ റൂട്ട് (72), മാലന്‍ (61), വോക്‌സ് (61), സ്റ്റോക്‌സ് (58), സ്റ്റോണ്‍മന്‍ (52) എന്നിവരുടെ അര്‍ധ സെഞ്ച്വറികളാണ് ഇംഗ്ലണ്ട് സ്‌കോര്‍ 400 കടത്തിയത്.