മൂവാറ്റുപുഴ: സിനിമാ താരം സാഗര്‍ ഷിയാസ് (50) നിര്യാതനായി. മൂവാറ്റുപുഴ അടൂപറമ്പ് കമ്പനി പടി തെങ്ങുംമൂട്ടില്‍ പരേതരായ സുലൈമാന്‍േറയും സൈനബയുടെയും മകനാണ്. കഴിഞ്ഞ കുറച്ചു ദിവസങ്ങളായി കരള്‍ സംബന്ധമായ അസുഖത്തെ തുടര്‍ന്ന് ചോറ്റാനിക്കരയിലെ സ്വകാര്യ ആശുപത്രിയില്‍ ചികിത്സയിലായിരുന്നു.
ഭാര്യ: ഷൈനി, മക്കള്‍: ആലിയ, അമാന, അന്‍ഹ, മിമിക്രി യിലൂടെകലാരംഗത്തത്തെിയ സാഗര്‍ ഷിയാസ് ഈ രംഗത്ത് പ്രശസ്തിയുടെ കൊടുമുടിയില്‍ നില്‍ക്കുമ്പോഴാണ് സിനിമാരംഗത്തത്തെുന്നത്. 75 ഓളം സിനിമകളില്‍ വിവിധ വേഷങ്ങളില്‍ അഭിനയിച്ച ഷിയാസ്  മാനത്തെ കൊട്ടാരം എന്ന സിനിമയിലൂടെയാണ് ചലച്ചിത്ര രംഗത്തേക്ക് കടന്നുവന്നത്.
മായാവി, ഒന്നാമന്‍, ദുബായ്, ജൂനിയര്‍ മാന്‍ട്രേക്ക് തുടങ്ങിയ സിനിമകളില്‍ ശ്രദ്ധേയമായ വേഷങ്ങള്‍ ചെയ്തു. ദിലീപ്, നാദിര്‍ഷ ,അബി തുടങ്ങിയവര്‍ക്കൊപ്പം മിമിക്രി കലാരംഗത്ത് പ്രവര്‍ത്തിച്ചിട്ടുണ്ട്. നാദിര്‍ഷ യോടൊപ്പം'ദേ മാവേലി കൊമ്പത്ത് എന്ന ആക്ഷേപഹാസ്യ ഓഡിയോ കാസറ്റില്‍ പരിപാടി അവതരിപ്പിച്ച് ശ്രദ്ധ നേടിയിരുന്നു.  ഏഷ്യനെറ്റില്‍ സംപ്രേക്ഷണം ചെയ്തിരുന്ന സിനിമാല പ്രോഗ്രാമിലും ശ്രദ്ധേയമായ വേഷം ചെയ്തു.