പേരാമ്പ്ര: റെസിഡന്റ്‌സ് അസോസിയേഷനുകളുടെ സ്വതന്ത്ര സംഘടനയായ ഫിറ പേരാമ്പ്ര ബ്ലോക്ക് രണ്ടാം വാര്‍ഷികവും ഓണം, ബക്രീദ് ആഘോഷവും പേരാമ്പ്ര വ്യാപാരഭവനില്‍ പഞ്ചായത്ത് പ്രസിഡന്റ് കെ.എം റീന ഉദ്ഘാടനം ചെയ്തു.
രമേശ് കാവില്‍ മുഖ്യ പ്രഭാഷണം നടത്തി.വി.കെ ബാലന്‍ മാസ്റ്റര്‍ അധ്യക്ഷനായി. പരിപാടിയോടനുബന്ധിച്ച് നടത്തിയ പൂക്കള മത്സരം, മൈലാഞ്ചിയിടല്‍ മത്സരവിജയികള്‍ക്ക് കാശ് അവാര്‍ഡ് വിതരണം ചക്കിട്ടപാറ കോ.ഓപ്പറേറ്റീവ് ബാങ്ക് സെക്രട്ടറി ഗംഗാദരന്‍ നിര്‍വഹിച്ചു.
എസ്.എസ്.എല്‍.സി, പ്ലസ് ടു ഉന്നത വിജയികളെ ചടങ്ങില്‍ അനുമോദിച്ചു. സുരേന്ദ്രന്‍ ചിത്രലേഖ, സി.എം അഹമദ് കോയ സംസാരിച്ചു.