കോഴിക്കോട്: ദലിതരുടെ ആത്മാഭിമാനത്തിനു വേണ്ടി പോരാട്ടം നടത്തിയ മഹാത്മാവാണ് അയ്യങ്കാളിയെന്ന് ജെ.ആര്‍.എസ് സംസ്ഥാന കമ്മിറ്റിയംഗം എം.എം രാഘവന്‍ പറഞ്ഞു. ജില്ലാ കമ്മിറ്റി സംഘടിപ്പിച്ച അയ്യങ്കാളി ജയന്തിയാഘോഷ പരിപാടി ഉദ്ഘാടനം ചെയ്യുകയായിരുന്നു അദ്ദേഹം.
ജില്ലാ പ്രസിഡന്റ് പി.എം നാരായണന്‍ അധ്യക്ഷനായി. കേരളാ സാംബവര്‍ സൊസൈറ്റി ജില്ലാ പ്രസിഡന്റ് കെ.യു വേലായുധന്‍, മലബാര്‍ മേഖലാ പട്ടികജാതി സംരക്ഷണ സമിതി ചെയര്‍മാന്‍ കെ.കെ വേലായുധന്‍, ചക്ലിയ സമിതിയംഗം ആര്‍. ശിവന്‍, ശിവന്‍ പന്നിക്കോട്, ഇ.എം അനില്‍കുമാര്‍, ടി.ടി കണ്ണന്‍കുട്ടി, കമല പയ്യോളി, ബാബു കുരുവട്ടൂര്‍, ഗോപി കട്ടിപ്പാറ, കോളിക്കല്‍ ദേവയാനി സംസാരിച്ചു. പി.ബി ശ്രീധരന്‍ നന്ദി പറഞ്ഞു.
കോഴിക്കോട്: സാമൂഹ്യപരിഷ്‌കര്‍ത്താവും നവോത്ഥാന നായകനുമായ മഹാത്മാ അയ്യങ്കാളിയുടെ 155-ാമത് ജയന്തി കേരളാ സാംബവര്‍ സൊസൈറ്റിയുടെയും വനിതാസമാജം ജില്ലാ കമ്മിറ്റിയുടെയും നേതൃത്വത്തില്‍ ആഘോഷിച്ചു. സംസ്ഥാന സെക്രട്ടറി സതീഷ് പാറന്നൂര്‍ ഉദ്ഘാടനം ചെയ്തു. അയിത്തവും അനാചാരങ്ങളും ഉള്‍പ്പെടെയുള്ള ജാതീയ ഉച്ചനീചത്വങ്ങള്‍ നിലനിന്നിരുന്ന കേരളത്തില്‍ അവര്‍ണര്‍ക്കുവേണ്ടി പോരാടിയ നേതാവായിരുന്നു അയ്യങ്കാളിയെന്ന് അദ്ദേഹം പറഞ്ഞു.
ദലിത് പീഡനങ്ങള്‍ക്കും സാമൂഹിക വിവേചനങ്ങള്‍ക്കെതിരേ അയ്യങ്കാളി കാണിച്ചുതന്ന വഴിയിലൂടെ സംഘടിതരായി സധൈര്യം മുന്നോട്ടുപോകണമെന്നും അദ്ദേഹം ആഹ്വാനം ചെയ്തു. ജില്ലാ പ്രസിഡന്റ് കെ.യു വേലായുധന്‍ അധ്യക്ഷനായി. വൈസ് പ്രസിഡന്റ് പി.ബി ശ്രീധരന്‍, വനിതാസമാജം ജില്ലാ സെക്രട്ടറി സി. സിന്ധു, കോളിക്കല്‍ ദേവയാനി, എം. വനജ സംസാരിച്ചു.