കടമേരി: എടച്ചേരി തണല്‍ അഗതി മന്ദിരത്തിലെ അന്തേവാസികള്‍ക്കായി വിഭവസമാഹരം നടത്തി കടമേരി റഹ്മാനിയ അറബിക് കോളജിലെ വിദ്യാര്‍ഥിനികള്‍ മാതൃകയായി.
ശാരീരീക വെല്ലുവിളികളും മാനസിക രോഗികളുമായ നൂറ്റിഅറുപതോളം രോഗികള്‍ക്കാണ് വിദ്യാര്‍ഥിനികള്‍ വിഭവ സമാഹരണം നടത്തിയത്. എന്‍.എസ്.എസ് യൂനിറ്റാണ് വിഭവ സമാഹരണത്തിന് നേത്യത്വം നല്‍കിയത്. യൂനിറ്റ് വളണ്ടിയര്‍മാര്‍ തണല്‍ അഗതി മന്ദിരം സന്ദര്‍ശിച്ച് വിഭവങ്ങള്‍ കൈമാറി.
പ്രോഗ്രാം ഓഫിസര്‍ പ്രഫസര്‍ ശഹബാസ് മുഹമ്മദ് ആലം, കോളജ് പ്രന്‍സിപ്പാള്‍ നിസാര്‍ ബാഖവി തുവ്വൂര്‍,തണല്‍ സെക്രട്ടറി രാജന്‍ മാണിക്കോത്ത്, ഇല്ല്യാസ് തരുവണ, സലാം നരിപ്പറ്റ പങ്കെടുത്തു.