തൃക്കരിപ്പൂര്‍: സമൂഹത്തിലെ പാവപ്പെട്ടവര്‍ക്കും പ്രയാസപ്പെടുന്നവര്‍ക്കും ഇസ്‌ലാം അനുശാസിച്ച രീതിയിലുള്ള ബാധ്യതകള്‍ നിര്‍വഹിച്ചാല്‍ മാത്രമേ അല്ലാഹുവിനോടുള്ള വിശ്വാസിയുടെ കടപ്പാട് പൂര്‍ത്തിയാവുകയുള്ളൂവെന്നും മുസ്‌ലിം  ഒരുമയുടെ സന്ദേശമാണ് ഹജ്ജ് നല്‍കുന്നതെന്നും എസ്.വൈ.എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍. എസ്.വൈ.എസ് തൃക്കരിപ്പൂര്‍ മണ്ഡലം കമ്മിറ്റിയും തുരുത്തി മുസ്‌ലിം ജമാഅത്ത് കമ്മിറ്റിയും സംയുക്തമായി സംഘടിപ്പിച്ച ഹജ്ജ്പഠന ക്ലാസില്‍ മുഖ്യ പ്രഭാഷണം നടത്തുകയായിരുന്നു അദ്ദേഹം. സമസ്ത ജില്ലാ വൈസ് പ്രസിഡന്റ് എ.കെ മഹമൂദ് മുസ്‌ലിയാര്‍ ഉദ്ഘാടനം ചെയ്തു. മണ്ഡലം പ്രസിഡന്റ് ടി.കെ.സി അബ്ദുല്‍ ഖാദിര്‍ ഹാജി അധ്യക്ഷനായി. മുസ്തഫല്‍ ഫൈസി, അബ്ദുല്‍ മജീദ് ഫൈസി, മൊയ്തീന്‍ കുഞ്ഞി മൗലവി, സമീര്‍ ഹൈതമി, ടി.സി കുഞ്ഞബ്ദുല്ല ഹാജി, ഉമര്‍ മൗലവി, പി.വി അഹമ്മദ് ശരീഫ്, പി അബ്ദുസലാം, എ.സി അബ്ദുറസാഖ്, ടി.സി.എ റഹ്മാന്‍, എം.ടി.സി റഫീഖ്, സി.കെ.കെ മാണിയൂര്‍ പ്രസംഗിച്ചു. പൊറായിക് മുഹമ്മദ് സ്വാഗതവും പി മുഹമ്മദ് കുഞ്ഞി മാസ്റ്റര്‍ നന്ദിയും പറഞ്ഞു.