പഴയങ്ങാടി: മാടായിപ്പാറയിലെ ജൈവവൈവിധ്യ സംരക്ഷണ പ്രവര്‍ത്തനത്തില്‍ നിന്നു പിന്‍മാറുന്നതായി മാടായിപ്പാറ സംരക്ഷണ സമിതി. സംസ്ഥാന ജൈവവൈവിധ്യ ബോര്‍ഡും മാടായി പഞ്ചായത്തും സംരക്ഷണം ഏറ്റെടുക്കാന്‍ മുന്നോട്ടുവന്ന സാഹചര്യത്തിലാണ് തീരുമാനം. നേതൃത്വം വഹിക്കില്ലെങ്കിലും സംരക്ഷണ കാര്യത്തില്‍ കഴിയാവുന്നത് ചെയ്യാനും പരിസ്ഥിതിക്ക് അനുയോജ്യമല്ലാത്ത പ്രവര്‍ത്തനങ്ങളും നീക്കങ്ങളുമുണ്ടായാല്‍ എതിര്‍ക്കാനും യോഗത്തില്‍ തീരുമാനമായി.
ചെയര്‍മാന്‍ പി.പി കൃഷ്ണന്‍ അധ്യക്ഷനായി. കെ.പി ചന്ദ്രാംഗദന്‍, സി. നാരായണന്‍, വി.വി ചന്ദ്രന്‍, പി. രാഘവന്‍, പി. കുമാരന്‍, എ.കെ ഗോവിന്ദന്‍, പി.എം ദേവരാജന്‍, ബി. ബദറുദ്ദിന്‍, എ.വി ബാലകൃഷ്ണന്‍, രാജന്‍ വെങ്ങര, പി.കെ രാജേഷ്. സി. ഗബ്രിയല്‍, സി.വി കുഞ്ഞിരാമന്‍, പി. ശേഖരന്‍, യു. രാഘവന്‍, രാമചന്ദ്രന്‍ പട്ടേരി സംസാരിച്ചു.